Intervençom do Cônsul Geral da República de Cuba na Galiza
A partir das 12 horas e apesar das inclemências meteorológicas, várias dúzias de pessoas concentrárom-se para acudir pontualmente à cita, que se iniciou com umha intervençom da associaçom convocante na que se incluírom alguns dos contributos de Martí para o corpus teórico das actuais revoluçons socialistas latino-americanas, assim como reflexons martinianas sobre o imperialismo espanhol e o tenebroso papel que os EUA jogariam para a América futura, cujos piores prognósticos se vírom confirmados.
A seguir tomou o relevo o cônsul cubano Alejandro Fuentes, quem abordou a vida do patriota cubano desde a sua tomada de consciência sobre a monstruosidade do escravismo e a opressom espanhola, até a sua nomeaçom como General Maior do exército de libertaçom nacional cubano e a sua queda em combate.
Finalmente, e para concluir o acto, realizou-se umha ofrenda floral diante do monumento.
A Brigada Galega Fuco Gomes estivo presente no acto, muito mais depois do grande descobrimento da vida, factos e obra de José Martí que supujo a viagem a Cuba. Especial importáncia cobra para nós a limpa trajectória deste revolucionário cubano, cujas análises sobre a dependência nacional cubana e o imperialismo espanhol e ianque estám em muitas ocasions de toda actualidade na Galiza de 2009.
Más información:
