UNIDÁ considera qu'IU nun tien nenguna credibilidá p'articular una alternativa asturiana y d'esquierdes

La coalición anuncia que s'afaya nun procesu de redefinición que va dar pasu a la fundación d'una fuerza unitaria d'esquierda nacionalista asturiana primero del branu.

ún | UNIDÁ pa Kaos en la Red | 17-4-2008 | 186 lecturas | 4 comentarios

www.kaosenlared.net/noticia/unida-considera-quiu-nun-tien-nenguna-credibilida-particular-alternati

Énte les declaraciones feches pol ex-­conseyeru y miembru d'Izquierda Unida, Francisco Javier García Valledor, nel sen de qu'IU habría convertise nel aglutinante d'una fuerza qu'integre a UNIDÁ y a Izquierda Asturiana (partíu que yá fai parte d'UNIDÁ) y que cubra l'espaciu políticu asturianu, d'esquierdes y verde, la Xunta Coordinadora d'UNIDÁ, aconceyada ayeri miércoles en sesión ordinaria decidió facer les vinientes apreciaciones:

1. Izquierda Unida nun tien nenguna credibilidá p'autoproponese como aglutinante d'un espaciu políticu al que traicionó, deceicionó y usó de forma permanente nos últimos años, un fechu que la inhabilita pa promovese como motor d'una dinámica que yá demostró dende dientro y fuera del gobiernu que nun ye más qu'una operación cosmética pa tentar de frenar una decadencia qu'abulta resultar imparable.

2. Dende UNIDÁ atalántase que l'alternativa qu'Asturies precisa pasa, ente otros elementos, pola absoluta desvinculación de venceyos con proyectos de clas estatal como'l d'Izquierda Unida que, por muncho que se mazcaren de soberanos, caltienen los venceyos y los condicionantes de mena federal. Nesi sen, dende UNIDÁ namás se considera posible la confluencia coles persones, colectivos y grupos políticos d'obediencia esclusivamente asturiana, tanto por una cuestión de principios como d'operativivá.

Per último dende la Xunta Coordinadora de UNIDÁ señalóse que la coalición, formada por Izquierda Asturiana, Andecha Nacionaliega y grupos locales, y que cuenta con representación institucional en dellos conceyos asturianos, afáyase nestos momentos nun intensu, autocríticu y fructiferu debate internu tanto na coalición como nes partes integrantes de la mesma. Esti procesu, informa UNIDÁ, constitúi'l pasu previu pa desenvolver, primero del branu, un procesu d'unión que va dar llugar a la constitución d'una federación nacionalista asturiana que represente un espaciu demandáu por una parte de la sociedá asturiano y que ye imposible cubrir dende fuerces que, en postrer términu, tán suxetes a dinámiques, dependencies y factores ayenos a la realidá del país.

http://www.unida.as/2008/unida-considera-qu%e2%80%99iu-nun-tien-nenguna-credibilida-p%e2%80%99articular-una-alternativa-asturiana-d%e2%80%99esquierdes-y-verde/

La inserción de comentarios en esta noticia está desactivada

• en portada
• + leídas
• + comentadas

• El trágico accidente aéreo que se produjo ayer en el aeropuerto de Barajas supera las 153 víctimas mortales
• Cien idiotas - Humor antifascista
• Antología de textos de Manuel Sacristán sobre la primavera de Praga. La revolución traicionada
• Hijo de puta
• Rueda de prensa de la izquierda abertzale sobre la manifestación del viernes 22

• La verdad es la verdad (I)
• Hijo de puta
• Antología de textos de Manuel Sacristán sobre la primavera de Praga. La revolución traicionada
• ¿De quién es el Estado de Derecho?
• Goteo continuo de manipulación, lecciones de la guerra del Caucaso y EITB