para completar a condena completa pola sua participaçom na sabotagem a um caixeiro de Caixa Galicia em 2005. O organismo popular anti-repressivo Ceivar mostrou o seu apoio e solidariedade para com Caamanho na manhã de ontem, durante a qual permanecérom concentrados entre as 10h00 e as 15h00. Trás a faixa podia-se contar umha vintena de pessoas que exprimiam a sua rejeiçom a esta nova detençom. Todas as pessoas que participaram na concentraçom foram identificadas por agentes da polícia espanhola.
Polo que indicam de Ceivar nom houvo maus tratos ao prisioneiro, que foi posto a disposiçom judicial para lhe ser comunicado o ingresso em prisom. A guarda civil transladou-no em furgom até a cadeia de Teixeiro, onde se encontra no módulo de ingressos. Ainda é cedo para saber se “Instituições Penitenciárias”, do Ministério de Interior do Reino de Espanha, modificará a cadeia asignada e voltará a dispersar –contra a sua própria legalidade– o preso como já aconteceu durante todo o tempo que estivo em prisom sem ser julgado.
À saída dos julgados de Caamanho produzírom-se momentos de tensom quando os agentes da polícia espanhola tratavam de impedir que o independentista saudasse à gente concentrada em apoio, entre os que se encontravam os ex presos independentistas José Manuel Sanches e Santiago Vigo.
Más información:
|