A restauraçom da toponímia, na sua versom do galego histórico, considerou-na umha juíza compostelana, Ana Lôpez-Suevos, como "desluzimento de bens imóbeis". Trata-se da mesma magistrada que recentemente condenou dous activistas de Causa Galiza a pesadas multas e a quinze dias de prisom por colarem cartazes anunciando o 25 de Julho, desobedecendo a proibiçom dos polícias municipais que os identificavam. Também corre a cargo de Lôpez-Suevos o processo repressivo contra dúzias de estudantes que increparam María San Gil na faculdade de Económicas, padecendo agressons e ameaças dos seus escoltas armados, ou o processo contra mais de dez militantes galegos que se enfrentaram à marcha ultra de Galicia Bilingue em Fevereiro de 2009.
Numha manobra habitual no concelho de Santiago, as facturas de limpeza que se apresentárom para justificar as multas som falsas. Na realidade, e segundo informa o colectivo Ceivar, parte dessa limpeza nom se tinha realizado, o que nom foi óbstáculo para cargar economicamente os militantes. A juíza acredita "por princípio" da plavra da advogada municipal, que também incorrera na falsificaçom de facturas num juízo contra militantes de NÓS-UP. O mural que o concelho teria que ter apagado naquela altura, em solidariedade com a Palestina, seguia intacto quando o concelho apresentou os supostos gastos de limpeza.
Más información:
