Para as 8 da manhá está prevista a saída de 40 autocarros de Vigo a Ponte Vedra, de onde partirá a marcha a pé anunciada na semana passada como mais umha medida mobilizadora para reinvindicar a negociaçom de um novo convénio que recolha condiçons de trabalho dignas.
Calcula-se que sejam até 2.500 os obreiros e obreiras que adiram à iniciativa. Na primeira jornada, a coluna operária chegará a Padrom, onde passará a noite em pavilhons da zona, para já na terça-feira começar a segunda e última etapa, com o objectivo de chegar a Compostela polas 2 da tarde.
Na capital galega haverá umha grande concentraçom diante das instalaçons da Administraçom autonómica, nos edifícios de Sam Caetano, onde contarám com a presença solidária de numerosas pessoas, entidades e organizaçons populares que apoiarám a luita estratégica que está a livrar o proletariado do sul da Galiza.
Estas duas novas jornadas de luita somam-se às 18 já contabilizadas, nas quais se tenhem vivido manifestaçons, assembleias, repressom policial, ferimentos, detençons e respostas obreiras à altura das agressons patronais e da polícia, que em todo o momento se mostrou como força auxiliar dos empresários metalúrgicos.
Depois de rejeitarem em assembleia umha proposta da Junta da Galiza para aprovar um acordo insuficiente, começa umha semana de mobilizaçons sobre as quais informaremos pontualmente.
Más información:
|