...solidarizouse "cos compañeiros e compañeiras que conforman esta Candidatura".
Para a CIG, "unha vez máis o Estado español e o goberno do PSOE, apoiándose na súa Lei de (ilegalización) de partidos políticos, utiliza os tribunais para excluír do sistema electoral a unha candidatura política" deixando fóra "a milleiros de cidadáns, impedíndolles o exercicio do dereito universal ao sufraxio libre, directo e secreto, e conculcando o dereito a decidir dos distintos pobos e nacionalidades que conforman o Estado español".
Interpretan que con feitos como este, "o Goberno intenta desviar a atención da dramática situación na que se atopan millóns de homes e mulleres que perderon o seu traballo, así como denunciar o seu modelo social, baseado na acumulación de riqueza a partir da especulación, que manteñen mediante a demagoxia máis arteira, e o fraude que cometen ao presentarse como defensores e paladíns dunha sociedade presuntamente libre e plural".
|